“24 மணி நேரமும் தடையற்ற குடிநீர் வழங்குக”- முதல்வர் அதிரடி உத்தரவு

அடுத்த ஐந்து ஆண்டுகளில் அனைத்து 25 மாநகராட்சிகளிலும் 24 மணி நேரமும் குடிநீர் விநியோகத்தை உறுதி செய்யுமாறு முதலமைச்சர் சி. ஜோசப் விஜய் அதிகாரிகளுக்கு உத்தரவிட்டார். அதே காலகட்டத்திற்குள் அனைத்து 146 நகராட்சிகள் மற்றும் 479 பேரூராட்சிகளுக்கும் தினமும் குறைந்தபட்சம் மூன்று மணி நேரமாவது தண்ணீர் விநியோகம் செய்யப்பட வேண்டும்.

முதலமைச்சர் சி. ஜோசப் விஜய் தலைமையில் நகர்ப்புற வளர்ச்சி ஆய்வுக்கூட்டத்தில் முதலமைச்சர் விஜய் முக்கிய அறிவுறுத்தல்களை அதிகாரிகளுக்கு வழங்கினார். அதன்படி,

🔹அடுத்த 5 ஆண்டுகளில் 25 மாநகராட்சிகளிலும் 24x7 குடிநீர் விநியோகம் உறுதி செய்ய முதலமைச்சர் உத்தரவு.
 🔹அதே நாளில் 146 நகராட்சிகள் மற்றும் 479 பேரூராட்சிகளில் தினமும் குறைந்தது 3 மணி நேர குடிநீர் வழங்கல் இலக்கு நிர்ணயம். 🔹அனைத்து மாநகராட்சிகளிலும் 100% குடிநீர் மற்றும் பாதாளச் சாக்கடை இணைப்புகள் ஏற்படுத்த நடவடிக்கை. 🔹சுத்திகரிக்கப்படாத கழிவுநீர் நீர்நிலைகளில் கலப்பதைத் தடுக்கவும், சுத்திகரிக்கப்படாத நீரை மறுபயன்பாட்டிற்கு விரிவுபடுத்தவும் உத்தரவு.
 🔹கூவம் ஆறு மற்றும் பக்கிங்ஹாம் கால்வாய் சீரமைப்புப் பணிகள், நடைபெற்று வரும் அடையாறு ஆறு சீரமைப்புத் திட்டத்துடன் இணைந்து விரைவுபடுத்த அறிவுறுத்தல்.
 🔹சென்னை நீர்வழித்தடங்களை இணைக்கும் நீல-பசுமை நகர்ப்புற தாழ்வாரங்களை உருவாக்கும் திட்டம்.
 🔹2031-க்குள் அனைத்து நகர்ப்புற உள்ளாட்சிகளிலும் பசுமை உட்கட்டமைப்பு, திறந்தவெளி பொது இடங்கள் விரிவாக்கம். 🔹சென்னை, கோயம்புத்தூர், மதுரை, திருச்சிராப்பள்ளி நகரங்களில் நவீன பூங்காக்கள் மற்றும் பொழுதுபோக்கு வசதிகள் உருவாக்கப்பட்டுள்ளன.
 🔹வெள்ளத் தடுப்பு மற்றும் மழைநீர் மேலாண்மைக்காக Sponge Parks அமைக்க உத்தரவு.
 🔹மக்கள் தொகை 1 லட்சத்தை மீறும் நகர்ப்புற பகுதிகளில் பல்லுயிர் மற்றும் சுற்றுச்சூழல் பூங்காக்கள் அமைக்க திட்டம்.🔹அடுத்த 5 ஆண்டுகளில் நகர்ப்புறங்களில் 5 கோடி மரக்கன்றுகள் நடும் இலக்கு.
 🔹2031-க்குள் அனைத்து மாநகராட்சிகள் மற்றும் நகராட்சிகளிலும் விலங்கு பிறப்பு கட்டுப்பாடு (ABC) மையங்கள் அமைக்கப்பட்டு, வெறிநாய் பாதிப்புகளை குறைக்க நடவடிக்கை.
 🔹முதலமைச்சரின் ஒருங்கிணைந்த நகர்ப்புற மாற்றம் இயக்கம் (CMIUTM) 2026-31 திட்டத்திற்கு ₹1.5 லட்சம் கோடி முதலீடு.